អ្នកស្រីគឺជាមនុស្សម្នាក់ក្នុងចំណោម៥នាក់ ដែលត្រូវបានជ្រើសរើសដោយសុវណ្ណាភូមិ ឡាយហ្វ៍ សម្រាប់គម្រោង ទំនួលខុសត្រូវសង្គម (CSR) របស់ខ្លួន ជាគម្រោងផ្តល់មូលនិធិដល់សហគ្រិនស្ត្រីដែលប្រតិបត្តិការអាជីវកម្មខ្នាតតូច ដោយសហការជាមួយ Lady Saving Group ដែលជាផ្នែកមួយនៃអង្គការមិនស្វែងរកប្រាក់ចំណេញ Women Entrepreneurs Act។ អ្នកស្រីលឹម ហៀង គឺជាសហគ្រិនដែលមានការតាំងចិត្តខ្ពស់។ អ្នកស្រីខិតខំតស៊ូ មិនចុះចាញ់ សូម្បីតែបន្ទាប់ពីអាជីវកម្មបោកអ៊ុត និងស្ប៉ារបស់គាត់បានដួលរលំក្នុងអំឡុងពេលវិបត្តិជំងឺកូវីដក៏ដោយ។ ផ្ទុយទៅវិញ អ្នកស្រីបានបន្តបើកហាងលក់គ្រឿងទេស ដែលជួយលើកកម្ពស់ផលិតផលដែលផលិតនៅក្នុងប្រទេសកម្ពុជា ជាពិសេសទឹកឃ្មុំដែលអ្នកស្រីទិញមកពីខេត្តមណ្ឌលគិរី ជាខេត្តដែលល្បីល្បាញដោយារទឹកឃ្មុំព្រៃ និងពេញនិយមក្នុងចំណោមអតិថិជនរបស់គាត់ផងដែរ។

លោក Loke Kah Meng អគ្គនាយកប្រតិបត្តិក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ មានប្រសាសន៍ថា ៖«វាពិតជាគួរឱ្យរំភើបណាស់ ដែលបានមើលឃើញស្ត្រីកំពុងឈានជើងចូលទៅក្នុងពិភពជំនួញ ជាមួយជំនាញ ឬធនធានហិរញ្ញវត្ថុមានកម្រិត។ គោលដៅនៃគម្រោង ទំនួលខុសត្រូវសង្គម (CSR) របស់យើងគឺជំរុញទឹកចិត្តសហគ្រិនស្ត្រីទាំងនេះ ហើយយើងសង្ឃឹមថាជាមួយនឹងការគាំទ្រផ្នែកហិរញ្ញវត្ថុដ៏តិចតូចរបស់យើងនេះ ពួកគាត់អាចក្លាយជាសហគ្រិនដែលមានភាពរីកចម្រើន និងទទួលបានសុវត្ថិភាពហិរញ្ញវត្ថុផងដែរ»។

សុវណ្ណាភូមិ ឡាយហ្វ៍ បានចាប់ផ្តើមយុទ្ធនាការ ទំនួលខុសត្រូវសង្គម (CSR) របស់ខ្លួនដោយឧបត្ថម្ភព្រឹត្តិការណ៍រត់ប្រណាំងស្ត្រី “Women Run 10k 2023” ក្នុងទិវាអន្តរជាតិនារី ៨មីនា។ ព្រឹត្តិការណ៍រត់ប្រណាំងនោះ ត្រូវបានធ្វើឡើងក្រោមប្រធានបទ «ស្ត្រីក្នុងភាពជាអ្នកដឹកនាំ» ដែលត្រូវបានរៀបចំដោយគណៈកម្មាធិការជាតិអូឡាំពិកកម្ពុជា ហើយសុវណ្ណាភូមិ ឡាយហ្វ៍បានសន្យាថានឹងចូលរួមវិភាគទានចំនួន ៤ ០០០ រៀល សម្រាប់ការចុះឈ្មោះចូលរួមរត់ម្នាក់ ដើម្បីផ្តល់មូលនិធិដល់គម្រោងគំនិតផ្តួចផ្តើម ទំនួលខុសត្រូវសង្គម (CSR) របស់ខ្លួន។

អ្នករត់ប្រណាំងប្រមាណ ១ ៦០០ នាក់ បានចូលរួមក្នុងការរត់ប្រណាំងចម្ងាយ១០គីឡូម៉ែត្រ ដែលបានប្រារព្ធធ្វើឡើងនៅសួនច្បារវត្តបទុមវតី មហាវិថីសុធារស រាជធានីភ្នំពេញ ក្នុងនោះក៏មានការរត់កម្សាន្ត លក្ខណៈគ្រួសារ និងកុមារក្នុងចម្ងាយ ៤ គីឡូម៉ែត្រផងដែរ។ សុវណ្ណាភូមិ ឡាយហ្វ៍នឹងផ្តល់ថវិកាចំនួន ២ ០០០ ដុល្លារសម្រាប់គម្រោង ទំនួលខុសត្រូវសង្គម (CSR) ដែលក្នុងនោះ ៥០០ ដុល្លារនឹងផ្តល់ទៅឱ្យ Lady Saving Group ដើម្បីផ្តល់ហិរញ្ញប្បទានដល់សកម្មភាពដែលកំពុងដំណើរការរបស់ខ្លួន ខណៈសហគ្រិនចំនួន៥រូប ដែលត្រូវបានជ្រើសរើសនឹងទទួលបានប្រាក់កម្ចីចំនួន ៣០០ ដុល្លារដោយគ្មានការប្រាក់។ ប្រាក់កម្ចីគ្មានការប្រាក់នេះនឹងត្រូវបញ្ជូនតាមរយៈ Lady Saving Group ហើយកម្ចីត្រូវសងត្រឡប់វិញក្នុង រយៈពេល១០ខែ។ បន្ទាប់មក ប្រាក់នោះនឹងត្រូវបានចែកចាយឡើងវិញទៅឱ្យសហគ្រិនស្ត្រីផ្សេងទៀតដែលស័កិ្កសមនិងទទួល។ អ្នកស្រី វីរៈ ប៊ុណ្ណារ័ត្ន សហស្ថាបនិក និងជាប្រធានផ្នែកយុទ្ធសាស្ត្រនិងកម្មវិធីនៃ Lady Saving Group ថ្លែងថា ៖«គម្រោងទំនួលខុសត្រូវសង្គម (CSR) របស់សុវណ្ណាភូមិ ឡាយហ្វ៍ អាចជាកាតាលីករមួយសម្រាប់ការអភិវឌ្ឍសហគ្រិនស្ត្រីដែលគាំទ្រសេដ្ឋកិច្ចរបស់យើង។ ពួកគាត់នាំមកនូវអត្ថប្រយោជន៍ជាច្រើនដល់សង្គមជាតិរបស់យើង តាមរយៈការបង្កើតការងារ កាត់បន្ថយភាពក្រីក្រ ក្លាយជាគំរូ និងកា្លយជាអ្នកដឹកនាំនៅក្នុងសហគមន៍មូលដ្ឋានរបស់ពួកគេ»។

សុវណ្ណាភូមិ ឡាយហ្វ៍ ផ្តល់ជូនការបញ្ចុះតម្លៃពិសេសរហូតដល់ ២០ ភាគរយ លើផលិតផលដ៏ពេញនិយមរបស់ខ្លួនគឺ SMILE Life Solutions សម្រាប់អ្នកចូលរួមទិវារត់ប្រណាំងស្ត្រី ១០គីឡូម៉ែត្រ។

ការផ្តល់ជូននេះមានសុពលភាពរហូតដល់ថ្ងៃទី ៣១ ខែមីនា ឆ្នាំ២០២៣៕